[Commentarius]

Egemonius, Episcopus Augustodunensis in Gallia (S.)

Septimvs Aeduensis, siue Augustodunensis, Episcopus, memoratur a Claudio Roberto Igonomus, siue Igomonus, aut Ægemonius, vel Egemonius: quem VIII. Ianuarij Sanctorum catalogo adscriptum exhibet Molanus in Additionibus ad Vsuardum, Bellini editio Parisiensis anni 1521. Rabanus, Maurolycus, Galesinius, Martyrologium Coloniense, in quo perperam Egenio vocatur, vti in Lubecensi Vsuardi editione anni 1475. Eugenianus. At Carthusiani Colonienses in Addit. ad Vsuard. ita habent: Egmonij, alias Egenionis Augustodunensis Episcopi & Confessoris, alias Martyris. Ferrarius Egmonem vocat. MSS. quidam Egemonem, & Eugemonem. S. Egemonij meminit & antiquißimum MS. Martyrologium S. Hieronymi: [Hieron.] Augustoduni depositio Egemoni Episcopi. Meminit eius & S. Gregorius Turon. De gloria Confessorum cap.75. & 76. Et Andreas Saussaius in Martyrologio Gallicano: Augustoduni Æduorum depositio S. Egemonij Episcopi & Confessoris, qui religione & doctrina florentissimus, S. Cassiano hac in cathedra succedens, omni Episcopali virtute, & Pastoralis officij exemplis, gregi sibi credito præfuit. Demumque spectara in multis sanctimonia clarus, diuina vt visione frueretur, quam vehementer ardebat, migrauit ad cælum. De S. Caßiano eius decessore agemus 5. Augusti.