Svb Diocletian.

[Commentarius]

XXX milites, Martyres Romae (SS.)

Beda, Vsuardus, Ado, ceteriq;: Romæ via Appia coronæ sanctorum Militum XXX. Martyrum sub Diocletiano Imperatore. Martyrologium Germanicum addit, primum in vincula coniectos, ac deinde capite plexos. Galesinius quoque caput iis præcisum ipsius iussu Diocletiani, scribit.

Notkerus, quod in ceteris paßio & obitus horum Sanctorum Coronæ nomine indicatur, aliter exposuit, vt eorum Primipilum Coronam appellaret: nisi sit vitium librarij. Item Romæ, inquit, via Appia Coronæ & militum XXX. qui sub Diocletiano Augusto pro confessione Christianæ fidei martyrio coronari meruerunt. Eorum meminit & Martyrologium S. Hieronymi. MS. Martyrologium monasterij S. Richarij quod Bedæ nomen præfert, habet tantum XX. MS. S. Laurentij Leodij quod est Adonis, XXI.

Diese Seite ist ein Dokument und unterliegt nicht der inhaltlichen Gestaltung durch das Ökumenische Heiligenlexikon.
Wir werden Fehler deshalb nicht korrigieren.
Wir verantworten nur die Veröffentlichung.