[Commentarius]

Melchior, Rex Magus in Oriente (S.)

Singvlos sanctos Reges Magos peculiari aliqua religione variis diebus, in quibusdam Ecclesiis celebrari, diximus I. Ianaurij, cum de S. Gaspare. S. Melchior VI. Ianuarij colitur, vt ex Martyrologio Coloniensi & Germanico patet; quæ Episcopum fuisse, diuinoq; sacrificio prius celebrato, sancte in Domino obdormisse tradunt. Alij existimant tres illos Heroas martyrio coronatos: & Dextri quidem Chronicon passos habet an. Christi LXX. Sessaniæ in Arabia felice MS. Florarium I. Ianuarij obiisse S. Melchiorem refert, anno ætatis CXVI. De eo rursus XXIII. Iulij.