[Commentarius]

Petrus, Confessor Alexandriae (S.)
Leucius, Confessor Alexandriae (S.)
Severus, Confessor Alexandriae (S.)

Beda, Vsuardus, Ado, Notkerus, Bellinus, Maurolycus: Apud Alexandriam natalis sanctorum Confessorum Petri, Seueri, Leucij, quorum gesta habentur. Vetus quoque Romanum, aliaq; omnia Martyrologia Cōfessores appellant: solum Romanum ex editione Baronij Martyres facit. Leucij nomen varie expressum. In vetere Romano, MS. Hibernico cōuentus Dungallensis, & Maurolyco Lucius dicitur; in multis excusis & MSS. Leontius: In Lubecana Vsuardi editione anni 1475. Genucius, vti & Seuerus, Seuerinus: in Notkero & MS. S. Hieronymi Leucus in MS. S. Richarij Eutychius: in MS. monasterij S. Laurentij Leodij, Seleucus: in MS. Florario Leontius, alias Seleucus. Martyrologium MS. S. Hieronymi sic habet: In Alexandria Petri, Leuci, (deinde verbum vnum alterumve est litura inductum) Confes. & Alolami. MS. Rhinouiense: In Alexandria Petri, Absalmi, Philoromi. Absalmus idem hic est verisimiliter, qui in S. Hieronymi, Alolamus dicitur, de quo pluribus egimus III. Ianuarij. De Philoromo actum ante.