[Commentarius]

Reuocatus, Martyr (S.)
Firmus, Martyr (S.)
Iucundus, Martyr (S.)
Socii, Martyres

Revocatvm ac Firmum, siue Firminum, martyrio Smyrnæ coronatos dedimus IX. Ianuarij. Rursus X. Ianuar. MS. Martyrol. S. Hieronymi, quod eos IX. retulerat, isthæc habet: IV. Id. In Africa Reuocati, Firmi. At MS. Rhinovv, vt isthic indicauimus: In Sirmis Reuocati. In Africa Firmi. Vetus Martyrologium Hibernicum conuentus Dungalensis, eosdem refert nullo adscripto loco, & Iocundum addit, ac alios, quorum quod vetustate ac situ corruptus codex esset, distincte assequi nomina non potuimus: videntur esse Misigabis, Clistus, Arrius, Petrus. In Florario quoque Iucundus memoratur.