[Commentarius]

Timotheus, in Graecia (S.)Euctus vel Polyeuctus, in Graecia (S.) Felix, in Graecia (S.)Ianuarius, in Graecia (S.) Lucius, in Graecia (S.)Palladius, in Graecia (S.) Pisseus vel Cipiseus, in Graecia (S.)Rusticus, in Graecia (S.) Secundus, in Graecia (S.)

De sanctis his Martyribus hæc habet Martyrologium S. Hieronymi: VI. ID. In Græcia, Eucti, Rustici, Pissei, Timothei, Secundi, Luci. Felicis, Ianuari. In MS. quoque Rhinovviensi itidem perantiquo: In Græcia, Cipisei, Secundi, Timothei, Lucij, Rustici. Timothei plures alij meminere: Beda: Timothei in Græcia. Notkerus: In Græcia Polyecti, (vix dubito quin ille sit Euctus iam relatus, voce aut hic per prothesin, aut isthic per aphæresin corrupta) & Palladij (fortassis hic est Palladius, qui VII. Ianuar. Palladas vocatur in S. Hieronymi Martyrologio.) Et quibusdam interiectis pergit Notkerus: In Græcia Rustici, Timothei, & Iucondi. Vsuardi editio Lubecensis anni 1475. & Parisiensis 1536. Bellini editio Parisiensis anni 1521. & plurima MSS. sub nomine Vsuardi: In Græcia S. Timothei. Martyrologium Coloniense: In Græcia S. Timothei Confessoris. Carthusiani Colonien. in Addit. ad Vsuar. & Martyrol. Germanic. In Græcia S. Timothei Confessoris, qui translatus est Constantinopolim IX. Maij. At IX. Maij ostendunt se de S. Timotheo Pauli discipulo agere, de quo nos. XXIV. Ianuarij. At de hoc S. Timotheo & sociis nihil habemus compertum. Timotheus Confessor in Græcia, in eodem Martyrologio Germanico, Maurolyco, Petro de Natalib. lib.11.cap.130. §.30.refertur, sed IX. Ianuarij.