[Commentarius]

Zoticus, Martyr in Africa (S.)
Biccianus, Martyr in Africa (S.)
Caroticus, Martyr in Africa (S.)
Castulinus, Martyr in Africa (S.)
XXXVI socii, Martyres in Africa
Castulus, Martyr in Africa (S.)
Modestus, Martyr in Africa (S.)
Quinctus, Martyr in Africa (S.)
Rogatus, Martyr in Africa (S.)

De his Martyrologium Romanum: In Africa Sanctorum Martyrum Zotici, Rogati, Modesti, Castuli, & coronæ militum quadraginta. Horum nomina restituisse se in sacros Fastos fatetur Baronius ex veteri MS. testaturq; eorum Acta penes se extare, quæ necdum nos vidimus. Martyrologium S. Hieronymi: In Africa Zotici, Castoli, Quincti, Rogati, Modesti, Bicciani, Carotici, Castolini. MS. Rhinovviens. In Africa Zotici, Castoli, Quinti, Rogati, Modesti. Meminit MS. Dungallense Quincti, Rogati, Modesti, Ebiciani (qui indubie idem est qui Biccianus) Corotis, (qui Coroticus videtur) Castolini, (præter Castulum cum Aegyptiis recensitum) Valentianæ, Arabici, & aliorum XVIII. Monuimus iam, dubium esse num horum alteruter sit Auentinus, vel Auentina inter Aegyptios relata. Nulla enim illud MS. loca adscribit.