Notitia ex Martyrologio S. Hieronymi.

Hisicius Martyr Romæ vel in Mesopotamia (S.)
Amidas Martyr Romæ vel in Mesopotamia (S.)
Amigradinus Martyr Romæ vel in Mesopotamia (S.)
Arixus Martyr Romæ vel in Mesopotamia (S.)
Jocundianilla Martyr Romæ vel in Mesopotamia (S.)

J. B. S.

Jam dixi, hunc Martyrum manipulum omnibus Martyrologiis, præterquam Hieronymianis ignotum: porro in his concordem non esse annuntiandi modum. In Lucensi, nulla eorum memoria: Epternacense truncatum esse, etiam notavi; scribit enim: Item Romæ, Eutici, Gradini, Alaxi, Amideani Depositio. In Blumiano integritatem quoque desideres, dum legit: Hisici, Amidæ, Amigradi, Arixi. En textum completiorem Corbeiensium; Hisici, Amidæ, Amigradinæ, Arixi, Jocundianillæ; ex quorum fide quinque istorum Sanctorum nomina, hic consignanda putavimus sub dubio, scribendumne Amigradini an Amigradinæ, quod in Epternacensi vetustissimo Gradini, in Blumiano Amigradi supra legerimus. Positio seu locus certaminis disjunctive item sumptus est, quia in contracto Hieronymiano Richenoviensi habetur: Et in Mesopotamia, Esicii, Animidæ, Aurixi, quod ex vetustiori aliquo Hieronymiano acceptum fuisse, equidem non dubito. Quid præterea de hisce Sanctis memorari possit, frustra requiras.

Diese Seite ist ein Dokument und unterliegt nicht der inhaltlichen Gestaltung durch das Ökumenische Heiligenlexikon.
Wir werden Fehler deshalb nicht korrigieren.
Wir verantworten nur die Veröffentlichung.