[Commentarius]

Agentus, Martyr in Hispania (S.)
Augustinus, Martyr in Hispania (S.)
Castolius, Martyr in Hispania (S.)
Alii VI Martyres in Hispania
Castolius, Martyr in Hispania (S.)
Cyriacus, Martyr in Hispania (S.)
Donatus, Martyr in Hispania (S.)
Donatus Presbyter, Martyr in Hispania (S.)
Ebiciarius, Martyr in Hispania (S.)
Eugenius, Martyr in Hispania (S.)
Felicitas, Martyr in Hispania (S.)
Felix, Martyr in Hispania (S.)
Florus, Martyr in Hispania (S.)
Geminus, Martyr in Hispania (S.)
Morositus, Martyr in Hispania (S.)
Pacius, Martyr in Hispania (S.)
Pausalinus, Martyr in Hispania (S.)
Philo, Martyr in Hispania (S.)
Salvius, Martyr in Hispania (S.)
Stephanus, Martyr in Hispania (S.)

Martyrologivm ms. S. Hieronymi: In Hispaniis Agenti, Donati, Augustini, Saluij, Felicis, Donati Presbyteri, Flori, Zemini, Pati, Pausalini, Eugeni, Stephani, & aliorum XII. In antiquo MS. Hibernico conuentus Dungallensis quorumdam ex his mentio fit, nimirum Augenti, Donati, Felicis, Pausalini, Eugenij; nisi hic socius sit SS. Quincti, Ianuarij, Philoromi, &c. de quibus actum est. Aliquorum detrita nomina sunt. Adduntur SS. Philon, Felicitas, Cyriacus, Ebiciarius, Castolius, Morositus, item Castolius. An hi ex duodecim illis sociis sunt, quorum Martyrologium S. Hieronymi reticet nomina? MS. Rhinovviense: In Africa Felicis. An hic est forte qui cum aliis in Hispania passus dicitur, & in alterutro loco mendum inest? Florarium Sanctorum MS. Carthusiani Colon.in addit.ad Vsuardum, & Maurolycus iisdem prorsus verbis: Item Eugentij & Felicitatis Martyrum. Martyrologium Coloniense antiquum: Eodem die Sanctorum Eugencij & Felicitatis Martyrum. Hic forte Eugenius, aut qui supra inter Martyres Africanos, aut inter hos Hispanos recensetur. Felicitas seorsim celebratur in antiquißismis MSS. Kalendariis monasteriorum S. Maximini & Epternacensis, quorum hoc annectitur MS. Martyrologio S. Hieronymi.