[Commentarius]

Aquilinus, Martyr in Africa (S.)
Eugentus, Martyr in Africa (S.)
Geminus, Martyr in Africa (S.)
Marcianus, Martyr in Africa (S.)
Quinctus, Martyr in Africa (S.)
Theodotus, Martyr in Africa (S.)
Tryphon, Martyr in Africa (S.)

[1] Recenset hosce Sanctos athletas Martyrologium Romanum: Item in Africa præclarissimorum Martyrum Aquilini, Gemini, Eugenij, Marciani, Quincti, Theodoti, & Tryphonis. Beda, Vsuardus, Ado, Notkerus, MS. Florarium: Apud Africam præclarissimorum Martyrum Aquilini, Gemini, Eugenti, Marciani, Quincti, Theodoti, Triphonis, quorum gesta habentur. Ita fere habent omnia Vsuardi exemplaria MSS. & excusa. Martyrol. MS. S. Hieronymi: [Horum SS. natalis,] Pridie Non. in Africa Aquilini, Gemini, Eugenti, Marciani, Quincti, Theodoti, Trifonis. At nomina diuersimode a variis expressa; nam Aquilinus alibi Aquilius dicitur: Geminus, in MS. Societatis Iesu Antuerpiæ Germanus: Eugentus, in Martyrol. Roman. & Vsuardi editione Parisiensi an.1536. [nomina,] Beda, Bellino, Eugenius; in MSS. Vltraiectensi, & S. Martini Tornac. Notkero, Petro de Natal. Eugentius; in MS. Centulensi Eugendus; a VVandelberto, qui eum solum recenset, Augentus;

Tum pridie Nonas Augenti festa recurrunt.

Marcianus, in MS. Vltraiect. Martinianus: Theodotus in MS. Soc. Iesu Antuerp. Theodocius; apud Bellinum, Petrum de Natal. & in quibusdam MSS. Theodorus: Tryphon, apud Petrum Tryphonius.

[2] Petrus de Natalibus lib.2.cap.44. ait in VVandalica persecutione passos, citatq; Adonem, qui id non habet. Petrum sequuntur Maurolycus, Galesinius, Martyrologium Germanicum. [ætas.] Quibus vt assentiamur, certum debent antiqui Scriptoris testimonium proferre. Vsuardi editio Coloniensis an. 1521. XXVI. Ianuarij Tryphonem Martyrem refert: hicne sit, an alius, nolumus coniectare. Menæa Græcorum isthæc habent: Eadem die Sancti sex Martyres in pace finiunt. Dubitat Raderus noster, an non iidem sint qui in Africa paßi. Quis diuinet?