[Commentarius]

Claudius, Praefectus militum Martyr Interamnae in Umbria (S.) Carbonanus, Miles Martyr Interamnae in Umbria (S.) Planius, Miles Martyr Interamnae in Umbria (S.) Tibudianus, Miles Martyr Interamnae in Umbria (S.)

Circa Ann. CCLXX.

[1] Ferrarivs in generali catalogo Sanctorū VIII. Ianuar. Apud Interamnam Vmbriæ, sanctorum Martyrum Claudij, Carbonani, Tibudiani, & Planij, sub Claudio Imperatore. De iisdem in catalogo Sanctorum Italiæ ex monumentis & veteri MS. Martyrologio Ecclesiæ Interamnensis, ista tradit:

[2] [Sub Claudio Imp. occisi.] Cum Claudius Imperator impia in Christianos edicta promulgasset, iique vbique ab eius Præfectis ad necem conquirerentur; Claudius militiæ Interamnensis Princeps, vna cum Carbonano, Tibudiano, & Planio militibus, impij Imperatoris iussa paruipendens, Christianos in carceribus detentos fouebat, & cruciatos ad tormenta pro Christo fortiter ferenda animabat. Quapropter & ipsi iussu Præfecti comprehensi, ac in Christi confessione constantes, martyrij palmam accepere anno salutis CCLXX. quorum corpora secundo ab vrbe Interamnensi lapide, vbi nunc Sancti Zenonis Martyris extat ecclesia apud torrentem sepulta sunt. Hæc Ferrarius. De Inter amna hac ad Narem egimus supra VII. Ianuarij, cum de S. Valentino II. eius Antistite.