Circit. An.Chr. CCCIV.

[Commentarius]

Plurimi sancti, Martyres Lichfeldiae in Anglia

[1] Lichfeildia ciuitas est Angliæ in Staffordiensi Comitatu perantiqua, a Beda Licisfeld appellata, quasi Cadauerum campus; [Lichfeldia a cæde Martyrum dicta.] quod plurimi isthic Christiani, sub Diocletiano, martyrio affecti sint. Qua de causa ciuitas pro insignibus scutum depictum gestat, in quo Martyres varij variis modis trucidati exhibentur, [Eius insignia.] vt videre est in Theatro imperij magnæ Britanniæ Ioannis Spedi l.1.c.35.

[2] Horum Martyrum commemorationem II. Ianuarij indicit Martyrologium Anglicanum, traditq; S. Amphibali discipulos fuisse. De his Beda lib. 1. histor.Anglic.cap.7. sub finem: Passi sunt ea tempestate Aaron & Iulius (qui I. Iulij coluntur) Legionum vrbis ciues, aliique vtriusque sexus, [Multi isthic occisi.] diuersis in locis perplures, qui diuersis cruciatibus torti, & inaudita membrorum discerptione lacerati, animas ad supernæ ciuitatis gaudia perfecto agone miserunt. De his pluribus agit Matthæus VVestmonasteriensis ad ann.303.Nicolaus Harpsfeldius 3.secul.cap.10.