Circa an. Chr. DCCCX.

[Commentarius]

Stabilis, Episcopus Arvernensis in Gallia (S.)

Colitvr Kalendis Ianuarij S. Stabilis Episcopus Aruernensis, siue Claromontanus XXXVIII. teste Ferrario in generali catalogo Sanctorum, Ioanne Chenu in Chronologia Episcop. Galliæ, Claudio Roberto, Ioan. Sauarone in Origin. Claromont. qui ex veteri libro rituali MS. Ecclesiæ S. Illadij, siue Illidij, IV. Episcopi Claromont. docet I. Ianuar. deceßisse, solitumq; eius festum celebrari in eadem S. Illidij ecclesia officio octo lectionum, Octauam vero quatuor, velut Confessoris Pontificis. Aliud quoque profert de eo testimonium ex monumentis monasterij Moziacensis.