[Commentarius]

Theodorus, monachus in Aegypto (S.)

Theodori monachi Aegyptij celebris est in Martyrologio Romano memoria VII. Id. Ianuar. In Ægypto B. Theodori Monachi, qui tempore Constantini Magni floruit sanctitate: [S. Theodorus S. Ammonus discipulus.] cuius S. Athanasius meminit in vita S. Antonij; capite nimirum 30 in edit. Rosvveydi, vbi comes fuisse S. Ammonis memoratur cum trans Lycum flumen, nolens corpus nudare, diuina virtute est deportatus; vt XVII. Ianuarij referemus, & IV. Octob. in vita S. Ammonis. Eiusdem mentio fit in vita S. Pachomij XIV. Maij. Baronius in Notis ad Martyrol. ait S. Antonij fuisse discipulum: verum in citatis S. Antonij & S. Pachomij vitis id non habetur: in Heraclidis vero Paradiso cap.2. & in Palladij Lausiaca cap.8. diserte S. Ammonis fuisse discipulus dicitur. Alius est ab eo Theodoro qui XXVIII. Decemb. colitur, & S. Pachomij discipulus fuit.