Svb Diocletian.

[Commentarius]

Zosimus, monachus Martyr in Cilicia (S.)Athanasius, Commentariensis Martyr in Cilicia (S.)

[1] Admirabiles hos viros itæ celebrat hoc die Martyrologium Romanum: In Cilicia sanctorū Martyrum Zosimi, Athanasij Commentariensis, Theopempti, & Theonæ, qui in persecutione Diocletiani illustre martyrium obierunt. Martyres quoque Menæa appellant IV. Ianuarij: [SS. Zosimus & Athanasius passi sub Domitiano Præside.] Eodem die memoria sanctorum Martyrum Zosimi monachi & Athanasij Commentariensis. Baronius hos cum Theopempto & Theona coniungit; aitq; in Notis ab Græcorum Menæis passos referri sub Domitiano Imperatore. Verum non Imperator Domitianus hic fuit, sed Αρχων Præfectus aut Præses. IV. Ianuarij eos refert Ferrarius in generali Catalogo Sāctorum, vti & Menologium, in quo hæc habentur: Eodem die commemorario sancti Martyris Zosimi & Athanasij Commentariensis, qui Domitiano Præside apud Ciliciam illustre martyrium pertulerunt.

[2] Menæa paullo fusius: S. Zosimus in Cilicia eremum cum feris incolebat. [S. Zosimus varie torquetur.] Comprehensus Domitiano Præsidi sistitur, cumque Christum confiteretur, aures ei candenti ferro aduruntur. Deinde in lebetem liquato plumbo plenum a capite suspensus mittitur. Verum mirabiliter ex omnibus liberatus, apparente in theatro leone, ac de Christo humana voce loquente, [Leo humana voce loquitur.] Athanasium Commentariensem ad fidem adduxit. Dimissus a tyranno, redit ad montes in quibus ante pietati vacare consueuerat, [Athanasius conuertitur.] ibique commorans erudit baptizatque Athanasium. Inde sub disruptas hiantesque petras simul ingressi animas Deo reddiderunt.