Ex Martyrologio S. Hieronymi.

[Commentarius]

Euticius martyr Romæ (S.)

J. B. S.

Florentiniani seu Lucensis codicis textus hoc die mutilus repræsentatur; neque plenus est Epternacensis, in quo tamen legitur Romæ, Eutici, adjunctis tribus sociis, Gradino, Aiaxo, Amideano, de quibus proxime. Sequitur ibi immediate depositio, quæ quo vergat, non apponitur; ad Melchiadem autem spectare docent Corbeiense Acherii & Blumianum, in quibus laterculus melius exprimi vedetur, Euticio seorsim posito, ante Τὸ depositio, hoc modo: Et Natale Eutici (in altero Corbeiensi Eusici,) & depositio Miltiadis Papæ. Tum vero Hisici, Amidæ, & aliorum, qui mox ex laudatis codicibus referentur. His belle consonat Martyrologium Reg. Suec. seu Senonense S. Columbæ, a nobis editum tomo VII Junii, sic distinctius legens: Et in eadem urbe, via Appia, Natalis sancti Euticii. Adde Augustanum S. Udalrici & Labbeanum, quæ Euticium seu Eutychium secernunt ab omnibus aliis, tum præcedentibus, tum subsequentibus; ut proinde non immerito locus ei proprius hic assignetur, tametsi in aliis Martyrologiis, etiam classicis, notus non sit, quemadmodum nec nota est classis proxima variorum Martyrum non satis certi loci.

Diese Seite ist ein Dokument und unterliegt nicht der inhaltlichen Gestaltung durch das Ökumenische Heiligenlexikon.
Wir werden Fehler deshalb nicht korrigieren.
Wir verantworten nur die Veröffentlichung.