Ex eodem Martyrologio.

[Commentarius]

Thamatus, Martyr Cæsareæ (S.)
Honoratus, Martyr Cæsareæ (S.)
Seleucus, Martyr Cæsareæ (S.)
Porfirus, Martyr Cæsareæ (S.)
Pafilus, Martyr Cæsareæ (S.)
Estiaus seu Palæstinus Martyr Cæsareæ (S.)
Rogata, Martyr Cæsareæ (S.)

G. H.

Post relatos Martyres Romanos, referuntur in omnibus quatuor Martyrologii Hieronymiani apographis, hi sex Martyres, paßi Cæsareæ civitate, ut arbitramur, Palæstinæ, ubi & præcedenti die septem coronati memorantur. Horum primus est Thamatus, tum Honoratus, dein Seleucus: quamquam aliquis etiam hujus nominis sit præcedenti die, quia hunc ab illo diversum arbitramur. Sequitur Porfirus, in Ms. Blumiano Potphurus; tum Pafilus seu Paphilus, in Ms. Corbeiensi Phumfilus: dein Estivus in Ms. Epternacensi, pro quo aliis est Palestinus. Denique consensu omnium additur Rogata. Horum Antesignanus Thamatus indicatur in Mss. Gellonensi, Augustano, S. Galli, & Parisiensi Labbei.